أسرار التسوق الالكتروني (الجزء الثاني)
سلام ياحلوين تأخرت عليكم بالجزء الثاني من أسرار التسوق الالكتروني، بس صار الحين جاهز لكم، بس اللي ماشافت الجزء الاول مهم جدا تروح تشوفة لان مرتبط بهذا الجزء تقدرون تشوفونه بالنقر هنا.
بعد ما ذكرت لكم الأساسيات المهمة في الجزء الاول الحين يبتدي التسوق الفعلي، في هذا الجزء راح نركز على:
١- الأشياء اللي ماتنشحن (الممنوعات).
٢-الأشياء اللي تنشحن بس بشروط.
و بعدها راح اعرض لكم مواقع تشحن مباشر للسعودية و غير مباشر.
١- الأشياء اللي ماتنشحن (الممنوعات).
٢-الأشياء اللي تنشحن بس بشروط.
و بعدها راح اعرض لكم مواقع تشحن مباشر للسعودية و غير مباشر.
١-أوَّل شي خل نتكلم عن الأشياء الممنوع شحنها
في أشياء ممنوعة جمركياً حسب قوانين الدولة، وفي أشياء ممنوعة انها تنشحن دولياً.. مثل الأسلحة والاعضاء البشرية والحيوانات وبعض الأدوية، الالعاب اللي على شكل اسلحة ومواد خطرة، السجائر ومنتجات التدخين، تذاكر القمار واليانصيب، الرادارات.... الخ
قائمة بالممنوعات جمركيا انقر هنا
٢-الأشياء اللي تنشحن بس بشروط مثل المكياج والعطور
شحن المكياج مو ممنوع، و شحن السوائل والعطور بعد مو ممنوع ولكنه مسموح بحدود وقوانين يعني ماتكون الكمية كثيرة اكتفي بالطلب الواحد من ٢-٥ منتجات فقط.
· شحن المكياج:
المكياج نوعين
النوع الأول: هو الهاي اند او الماركات الغالية/الأصلية.. مثل ديور، شانيل، غيرلان، ماك، دولتشي آند قابانا وغيرهم هالماركات لازم تنشرى من مواقع موثوقة لأن تقليدها متوفر بالمواقع الصينية وحتى ببعض المواقع الأمريكية، هالماركات سعرها يكون من متوسط الى مرتفع، علبها فاخرة غالباً وتتميز باشكالها المميزة.
النوع الثاني: دراجستور أو الصيدلية، مثل ماركات مايبلين، ريميل، ان واي اكس، ريفلون وغيرهم من الماركات المتوسطة وأسعاره تتدرج من رخيصة الى متوسطة، العلب عادية أغلب الاوقات بس هذا مايعني انه المنتجات مو زينة بالعكس في كثير من مكياج الدرجستور متميز، وتلاقية بسهولة نسبياً بدون خوف من التقليد.
أغلب المواقع تطلب صندوق أجنبي للشحن، وانا افضل هالخيار، ما انصح بالشحن المباشر للمكياج لأنه غالباً يوصل على البريد العادي وياخذ وقت فاحتمال كبير يتأثر المكياج، الشحن المباشر ارخص بس الشحن عن طريق صندوق اضمن و اسرع.
·
· شحن العطور:
العطور في لهم طريقتين:
ينشحنون بصناديق الشحن وتنحسب عليهم رسوم زيادة.
ينشحنون بصناديق الشحن وتنحسب عليهم رسوم زيادة.
او شحن العطور مباشرة من المواقع المتخصصة بالعطور اللي تقبل الشحن المباشر، هالمواقع تتكفل بشحن العطور لباب البيت.
وأهم شي التأكد إنه الموقع يقدم عطورات أصلية لأن تعرفون انه العطور في وايد منها تقليد!
شلون طريقة التاكد من العطور اصلية او لا؟ أحسن شي بعد ماتحصلون موقع وتعرفون العطور تقرون ريفيوز وتجارب الناس اللي مجربينه اذا كان الموقع مشهور ممكن تحصلون له ريفيوز في المواقع العربية او تبحثون بالانجليزي وتترجمون بقوقل
هذي بعض المواقع الموثوقة والمعروفة اللي تشحن مباشرة:
*طبعا قبل اختيار العطور لا تنسون تجربونه اول وتنتظرونه يبرد وتتأكون انه يناسبكم قبل ماتطلبونه.
*لا تعتمدون على الشكل الخارجي او اراء الناس بدون تجربة شخصية لأن العطور اذواق.
وفي مدونة جديدة راح اذكر لستة مواقع تشحن مباشر /غير مباشر ترقبوها
I'm personally a big fan of adsrabab blog. Thanks for sharing this post.
ردحذفclipping path
clipping path service
ghost mannequin