اسرار التسوق الالكتروني (الجزء الاول)
في هذي المدونة راح انطلق معاكم من اول خطوة نحو التسوق الالكتروني بالتفصيل وراح اذكر أهم الاسرار التي تساعد على التسوق الإلكتروني، تذكرو هذي المعلومات مرجع لكم في اي وقت تحتاجونها
يلا نبدا....
يلا نبدا....
الاساسيات:
- وسيلة الدفع
- عنوان شحن:
تكلفة الشحن و الضرائب
استرجاع الضرائب من امازون
- حساب بايبال
- حسابات الكاش باك
- تحويل العملة
أولا: وسيلة الدفع
بطاقة ائتمان شي ضروري سواء كانت فيزا او ماستر كارد او اميركان اكسبرس
البطاقة الائتمانية نوعين
النوع الاول:
يا تكون العادية اللي فيها لمت / حد ائتماني محدد مع كشف حساب شهري للدفع
وهذي متوفرة بكل البنوك وكل بنك له شروطه
النوع الثاني:
بطاقة ائتمانية مسبقة الدفع تستخدم في الانترنت بس
قبل كل عملية يتم ايداع المبلغ المطلوب فيها، مايصير تستخدم اذا مافيها رصيد
النوع الثاني كثير بنوك يوفرونه خصوصا مع انتشار الاونلاين شوبينق، غالبا شروطها ورسومها اسهل من النوع العادي.
بعد اصدار واستلام البطاقة
هذي المعلومات المهمة من البطاقة اللي راح تستخدم في كل عملية شراء من النت:
- رقم البطاقة 16 رقم مطبوعين على الوجه الأمامي
- الاسم الاول والاسم الاخير مثل ماهم مطبوعين على وجه البطاقة
- تاريخ انتهاء البطاقة ويكون مطبوع على وجه البطاقة بالشهر والسنة
- رمز الحماية للبطاقة رقم ثلاثي او رباعي مطبوع على الوجه الخلفي للبطاقة
ثانيا: عنوان الشحن والاستلام
العناوين نوعين
النوع الأول : يكون عنوان محلي(واصل) ٫عنوان السكن ولازم يكون كامل
المنزل - الطريق - الشارع - الحي - المنطقة - المجمع - القطعة… الخ على حسب الدولة
بس خصوصا اللي تبي تشتري سوالف مكياج وعناية وكريمات، آفضل يكون موجود صندوق خارجي من بداية المشوار علشان لو اي وقت موقع ما يشحن مباشرة يكون الصندوق موجود.
يمكنك التسجيل من خلال الرابط: https://sp.com
النوع الثاني: عنوان دولي وهذا يستخدم في المواقع اللي ما تشحن مباشرة مثل:
Shop & Ship
المميزات:
- الاشتراك يندفع مرة وحدة (مدى الحياة) بدون تجديد وبدون رسوم سنوية.
- سعر اشتراكهم رمزي، السعر العادي 45 دولار امريكي يعني حوالي 170 ريال سعودي.
- اكثر شي يميزهم عن الشركات الثانية، يعطون مع كل اشتراك صناديق لـ 13 دولة : (امريكا - بريطانيا - الصين - تركيا - الامارات - الهند - جنوب افريقيا - المانيا - ايطاليا - اسبانيا - فرنسا وسنغافورة)
- يستخدمون الوزن الفعلي فقط لان بعض الشركات تقارن بين الوزن الفعلي والحجمي وتاخذ الأكثر يعني لما يكون شي حجمه كبير حتى لو خفيف يقيسون ابعاده و يطلع وزنه الحجمي كبير، ارامكس فقط ياخذون الوزن الفعلي.
- الشحن سريع (من اسبوع الى عشر ايام) واسعار الشحن لا بأس بها.
العيوب:
- ماعندهم خدمة التجميع اي بوكس يوصل يشحنونه على طول، الا اذا وصل أكثر من صندوق مع بعض في احتمال انهم يدمجونها بوزن واحد.
- يحسبون الوزن أحيانا بكل باوند يساوي تقريبا نص كيلو اذا الشي وزنه غرامات معدودة ينحسب نص كيلو واذا شي وزنه مثلا 550 غرام ينحسب كيلو وهكذا.. للعلم هذا القانون متبع بكل شركات الشحن.
- ماعندهم خيار لاختيار سرعة الشحن مع زيادة القيمة ماعندهم الا سرعة وحدة.
MyUs
ماي يو إس شركة فكرتها الأساسية مثل ارامكس، ولكن صندوقها موجود بس في أمريكا
المميزات:
-خدمة التجميع مجانا لمدة شهر كامل وبعدين الشحن الجماعي.
- الشحن سريع يتعاملون مع فيدكس ودي اتش ال ويو بي اس.
- عندهم خدمة الشراء ، اذا الموقع مايقبل فيزا أمريكية ممكن هم يقومون بالعملية مع أخذ رسوم.
من مميزاتهم انهم يشحنون السوائل والعطور مع أخذ رسوم إضافية.
- وممكن تقليل الاشياء اللي تزيد الوزن مثل كراتين الأحذية والتغليفات اللي تزيد الحجم.
- يوفرون امكانية الشحن لعنوان ثاني و بدولة ثانية.
العيوب:
- يتعاملون بالوزن الحجمي إذا كان أكبر من الوزن الفعلي، يعني يقيسون حجم البوكس الطول و الارتفاع والعمق ويحسبون الوزن عن طريقه.. اذا الشي كبير وخفيف راح تدفعون له شحن مرتفع.
- ياخذون رسوم إضافية على كل خدمة زيادة، التغليف الإضافي، التصوير، تعليمات التغليف، ستيكر قابل للكسر أو أي تعليمات خاصة.
في شركات ثانية يقدمون خدمات مشابهة ،يمكنكم الإطلاع عليهم من خلال الروابط التالية:
World Ship: www.ups.com
Borderlinx: www.borderlinx.com
ViaBox: www.viabox.com
بعد ما تسجلين لازم قبل أي عملية شراء خصوصا إذا كانت أول عملية تتاكدون ان العنوان صح 100% عشان مايكون في غلط ويضيع الكرتون.
تكلفة الشحن و الضرائب
للاسف مافي طريقة تعرفي الشحن قبل الطلب إلا إذا كان الموقع يشحن مباشرة
اما بالنسبة لصناديق الشحن حسب الوزن يحسبونه (بالباوند اللي يعادل نص كيلو تقريبا) وكل شركة تختلف عن الثانية وكل ماكان الشحن أسرع راح يكون أغلى.
الوزن مو بس وزن المنتج ، الوزن يشمل: (التغليفات، الكرتون، الفلين...الخ)
ارامكس وماي يو اس عندهم حاسبة الوزن اذا كان وزن الكرتون معروف، بس اي تغير بالوزن احتمال يغير القيمة.
الضرائب في أمريكا:
في أمريكا، الشحن يتغير حسب الموقع وقيمة الطلب واحيانا يكون مجاني اذا تعدى مبلغ محدد، وبالاضافة للشحن في ضرائب اسمها سيلز تاكس، تختلف حسب الولاية.
كل ولاية لها رمز من حرفين٫ والرمز موجود في العنوان, هذه خريطة تبين ولايات أمريكا والتاكس فيها:
استرجاع الضرائب من امازون
التاكس غير قابل للاسترجاع بأغلب المواقع، ماعدا امازون عندهم سستم خاص لترجيع التاكس اذا الاغراض انشحنو خلال وحدة من شركات الشحن لخارج أمريكا.
الطريقة استرجاع التاكس من آمازون:
إذا كان الغرض تم شراؤها مباشرة من آمازون Sold & Shipped by Amazon / Fulfilled by Amazon
،في حالة ان الفاتورة موجود فيها tax
تصورون صورة التتبع من شركة الشحن ارامكس مثلا (بشرط يكون طالع فيها ان البضاعة واصلة من امازون، وواضح في التتبع ان الكرتون طلع من امريكا)
ترسلون الصورة لامازون بايميل ويكون عنوانه Tax Exempt متبوع برقم الطلب على هذا الايميل:
auto-exempt@amazon.com
مع ملء البيانات بملف وورد وإرسالها كملف مرفق بنفس الايميل:
1-ATTN: tax exempt
2- Shipment Number: ×××××××××× outside USA by aramex ship to Saudi Arabia
(رقم طلبك في Aramex متبوعاً بالجملة السابقة والمقصود بها أن السلعة تم شحنها إلى خارج الولايات المتحدة وتحديداً إلى السعودية)
3- Item Title: 6x Jose Eber Curling Iron, Black, 19mm
(تكتب الجملة السابقة (الشحن من Amazon إلى Aramex بواسطة UPS) ثم تضيف رقم طلبك في Amazon الخاص بالسلعة)
7- Aramex tracking number: ××××××××××
(رقم طلبك في Aramex)
8- Bill of lading
ثالثا: بالإضافة إلى البطاقة الائتمانية والعنوان الخارجي حساب باي بال مربوط بالبطاقة اللي راح تستخدم في الدفع
باي بال هو يعتبر بمثابة البنك الالكتروني، مضمون وآمن ويحمي حقوق المشترين خصوصا في المواقع الجديدة أو الغير موثوقة.
دام عندها خدمة الباي بال يعني أمان ولو صار اي شي او اي عملية نصب الفلوس ترجع لك اذا تمت الشكوى خلال 45 يوم. الاشتراك في الباي بال وربط وتفعيل البطاقة بسيط:
اختيار Individual ثم معلومات الدولة و البريد الالكتروني و الباسوورد
املاء جميع البيانات ولازم تكون معلومات صحيحة وحقيقية ،المعلومات بالترتيب:
الاسم الأول – الاسم الأخير (العائلة) – تاريخ الميلاد – الجنسية و الـ ID – العنوان السطر الأول – العنوان السطر الثاني (اختياري) – المدينة – المحافظة – الرمز البريدي – رقم الهاتف
رقم بطاقة الإئتمان – تاريخ انتهاء البطاقة – رقم حماية البطاقة الثلاثي او الرباعي الموجود بظهر البطاقة
ملاحظة:
العنوان لازم يكون مثل العنوان اللي عند البنك المصدر لبطاقة الائتمان
الرمز البريدي اذا ما كان متوفر بداله خمس اصفار
المحافظة والمدينة ممكن يكونون نفس بعض
رقم الهاتف لازم يكون نفسه اللي عند البنك المصدر لبطاقة الائتمان مع الصفرين ورقم فتح خط الدولة
بعدها راح تطلع شاشة ندخل الرقم السري مثل ماهو مكتوب
بعد ماخلص التسجيل وتعبئة المعلومات، بقى خطوة تفعيل البطاقة المربوطة بالبايبال ،نروح الصفحة الرئيسية بيكون فيها معلومات مبسطة عن الحساب، اضغط هنا للتفعيل
ثم Get verified
وبعدين نختار الخيار الثاني لربط اكاونت الباي بال بالبطاقة الائتمانية مباشرة
أدخل معلومات البطاقة و البيلنق ادرس لازم يكون العنوان مثل ماهو عند البنك بالضبط
راح توصل رسالة نصية على رقم التلفون المربوط بالبنك وفيها رمز التفعيل للباي بال، مع سحب 4 دولار تقريباً من البطاقة للتفعيل ،يعني لازم يكون في البطاقة مبلغ بسيط مايصير تكون مصفرة، مبلغ التفعيل يرجع بعدين.
بعدها راح يطلع هالمسج، تأكيد للمعلومات اذا كل شي صح Continue
يوصل مسج على التلفون فيه الكود
نرجع للصفحة الرئيسية وعلى اليمين نضغط
ندخل الكود اللي وصل بالمسج
وبتطلع لنا هالمسج انه الاكاونت تفعل
بكذا نكون خلصنا من الباي بال وتفعيله، بس افضل تضيفون كل العناوين اللي تخصكم، طبعا العنوان الرئيسي اللي هو العنوان المحلي وعنوان البطاقة بيكون موجود ما يحتاج تضيفوه
من Add Address نضيف العناوين الأجنبية فقط
رابعا: حسابات الكاش باك
موقع ايبيتس و مستر ريبيتس لإسترجاع نسبة على المشتريات
مفيد جداً للي يتسوقون أونلاين لأنهم يجمعون نقاط ويرجع نسبة من المشتريات كل 3 شهور بالباي بال
ايبيتس و مستر ربيتس هما موقعان متعاونان مع آلاف مواقع الشوبنغ اونلاين، مع كل عملية شراء من واحد من المواقع المسجلة عندهم، يرجعون لك نسبة من مشترياتك.. كاش!
الطريقة سهلة و بخطوات بسيطة.. قبل عملية الشراء تفتح الموقع
تسوي بحث للموقع اللي بتشتري منه.. اذا موجود بيطلع الموقع ومعه النسبة اللي بترجع لك، وكلمة shop now
تضغط عليها راح تاخذك للموقع وبس تحط اي شي تبي تشتريه من الباسكت.. وتكمل عملية الشراء والدفع عادي
خلال يومين يوصلك ايميل انه هالمبلغ انحسب لك بحسابك
وتقدرمن خلال حسابك في ايبيتس و مستر ريبيتس تشوف شكثر تجمع لك
(طبعاً اذا انتو ساكنين برا امريكا مالكم الا البايبال) طبعا الباي بال لازم يكون عندكم حساب تسوونه من موقعكم وتدخلون معلومات البطاقة عشان تنربط فيه
التسجيل من خلال الرابط:
Mr Rebates: http://www.mrrebates.com?refid=1213105
اهم شي تذكرون تفتحون الموقع اللي تبون تشترون منه من خلال واحد من اللي فوق وتسوون العملية منه.. عشان ينحسب لكم المبلغ.. وانصح تتابعون ايملاتهم باستمرار لان احيانا يزيدون نسبة الكاش باك وتحصلون فرص وعروض حلوة.
خامسا : تحويل العملة
كل موقع العملة فيه بتكون على حسب عملة البلد، غالباً دولار للمواقع الامريكية وللبريطانية باوند وللاوروبية يورو
في قليل من المواقع عندهم محول عملات خاص فيهم، بس للي ماعندهم.. أسهل موقع:
بمجرد اختيار عملة الموقع والعملة المحلية، ادخل المبلغ راح يتحول المبلغ بالضبط
بعد توفر هالخمس أشياء الحين يبتدي الشوبنغ أون لاين الفعلي وبكل سهولة
ان شاء الله استفدتو من الموضوع و انتظرو الجزء الثاني تكملة للموضوع…
للانتقال الى اسرار التسوق الالكتروني (الجزء الثاني) اضغط هنا
تعليقات
إرسال تعليق