جهاز ساكورا

حبيت اعمل لكم تقرير مبسط عن جهاز ساكورا الشهير، تكلمت عنه من قبل في حسابي بالانستقرام    
@rabab_aljuwayhir بس حبيت اتكلم بتفصيل وشرح اكثر.

اتوقع في كثير منكم يعرفون الجهاز أو اسمعو عنه، طبعا مشاهير السوشيل ميديا تكلمو عنه كثير. في وقتها كنت ابحث عن جهاز تنظيف للبشرة وكنت محتارة بين جهاز ساكورا و جهاز كلاراسونك.

بس اخر شي اتخذت قرار إني اجرب جهاز ساكورا، عشان كذا راح اتكلم لكم عنه.

نبذة عن الجاهز:

في البداية خل اقول لكم نبذة بسيطة عن الجهاز، الجهاز عبارة عن شعيرات صغيرة من السيليكون وهذا ميزة فيه لان السيليكون معروف ما يحمل بكتيريا عشان كذا يقدر اكثر من شخص يستخدم الجهاز.


 فيه جهه للوجه وجهه للجسم، السرعة تصل الى ١٥ سرعة (اختاري السرعة المناسبة لك)، الجهاز قابل للشحن (اللي يميزة انك تشحنينه مرة وحدة وتستخدمينه مدة طويلة بدون شحن)

خل اوضح لكم طريقة استخدامه: 

تستخدمينة مرتين باليوم. بللي وجهك بالماء و الجهاز، بعد كذا حطي الغسول المناسب لبشرتك وشغلي الجهاز واختاري الدرجة المناسبة لبشرتك من  - أو +

فوائد الجهاز:
ينظف الوجه والجسم بعمق
تقشير امن وخفيف
يقلل ظهور حب الشباب
يزيل بقايا الميك اب
اهم ميزة يساعد البشرة على امتصاص الفيتامينات والمعادن من الماسكات والخلطات الطبيعية
يصغر حجم المسامات
يقلل من ظهور الرؤوس السودا في منطقة الانف
يناسب جميع انواع البشرة

السعر:
سعر الجهاز ٨٥٠ ريال سعودي، بس أنا اخذتة وقت عرض بـ ٦٥٠ ريال، أنا اشوف السعر جدا مناسب لمثل هالنوع من الأجهزة.


هل انصح كل بنت يكون عندها؟ نعم، بس لا تنسون بعد استخدامه تمرير قطعة ثلج على البشرة عشان تتسكر المسامات و وضع مرطبك الخاص.

صح نسيت اقول لكم وين تلاقونه، موجود في حساب الشركة المصنعة للجهاز @rozana360

لا تنسون تتركون لي تعليقاتكم الجميلة.